حكاية عشق – شعر عامية

بحبك وعاشق عيونك تملي
باسافر وبارجع لحضنك وخلي
بحب الشوارع بحب البيوت
بحبك اراضي بيحضنها توت
بحبك في دوشه وساعة السكوت
بحبك ولما باسيبك باموت
وادور في قلبي
مفيش الا حبك بيطبع كروت
كروت المحبه ومن غير شروط
وبعشق حمامك يطير عالسطوح
وصبحك يوضي بكاري الجروح
وليلك يعدي بحلمي اللي جاي
ونلمح وشوشنا ونشرب في شاي
ونحكي ونروي حقيقه وخيال
ونزرع اماني في حلم العيال
وقصة بريزه وفرحة ريال
ودق الكنايس وصوت الادان
وشمسك تدفي وتحضن غيطان
وارضك بتحبل وتولد سنابل
سواقي تغني وتملا الشطوط
ونيل يرمي كفه مابين الخطوط
فترقص غيطانك وتضحك ياتوت
بحبك وعاشق حيطان البيوت
ولو مت هاحضن ترابك واموت
……………. ……… …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى