خبي روحك م العفار – شعر عامية
خبي روحك م العفار – شعر عامية
اشرف الشناوي
شاعر عاميه
البرامون
المنصوره
خلي بالك م اللي جي
واوعي قلبك ينكسر
من نور وضي
واوعي كف العتمه
ياخدك م الحياه
قوم وصلي وابتسم.
… . متقولش اه
عدي مهما يكون
طريقك مش جميل
بكره تلقى الصبح
جايلك بالجميل
تلقى فجرك
زي مابتتمني
طالع م النجيل
غني واضحك وانت
ماشي المستحيل
واوعي يوم يكسر
بخاطرك ليل عويل
هز غربل كل حزنك
واعمل الافراح فتيل
بالأمل هاتعيش وتلقى
ضحكتك ملهاش بديل
وارمي حزنك في البراح
واقفل الباب عاللي راح
طير وسلم عالبيوت
طول ماقلبك لسه داير
فانت مش ممكن تموت
خبي روحك م العفار
بكره هاتكمل ملامحك
لو بحبه م النهار
بس غني لو فاضلك
حلم واحد فيه خضار
………………………..