زعق الوابور – شعر عامية

ياقطر رِقّ وحن ع الغلبان

ياقطر نفسه ف يوم يعيش بأمان

من الهموم والفقر كان هربان

ورجّعه لبلاده تاني الشوق

…..

عن أهله من كام شهر متغرب

يحلم ليالي السعد دي تقرب

يرجع لأهله من الشقى يهرب

وف وسطهم ينسى الألم ويفوق

……

معرفش إن الغربة دي هتدوم

ف القطر كان الموت عليه بيحوم

هو وكتير زيه ف شقى وهموم

ما لهم عشم ولا حتى أدنى حقوق

…….

زعق الوابور وصريخه كان تأبين

وبكا ونواح على الأبريا النايمين

في حضن ليله بيحلموا وهاديين

للموت خطفهم حلم بات مخنوق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى