فتات الضي …. عامية بقلم محمود فهمي
فتات الضي …. عامية بقلم محمود فهمي
والملم في فتات الضي جوايا
وبانسى كتير وباتناسى
ولابانساك
وأغمض عشق ف عيوني
على آخر ميعاد وياك
على آخر حروف الحب
ع بسمه تقول لي بحب
… تملي معاك …
ولا عمري ف يوم هانساك
ويخطفني الحنين تانى
يرجعني لأيامي
قمر حارس
وانا الفارس
وروحي بخوف كانت حاضناك
وليل شاهد
على رعشة حنان صوتك
وطير هارب
بيهمس لي:
.. انا لقيت الأمان وياك..
ودلوقتي نايات حزني
لا بتفارق
ولا فارقه يا جرحي معاك..
تحياتي وتقديري لكم