كسر قضبان العتمه… شعر عامية

كسر قضبان العتمه

اشرف الشناوي شاعر عاميه البرامون – المنصوره

ماتقولش
القطر اهو فات
أو تيأس م الازمات
أو تنسي الضحكه الحلوه
لو كل العالم مات
ارسم أحلامك وانسى
الحزن مالوش اوقات
والفرح ان جالك افرح
واعمل للبكا قفلات
العمر بيفوت ويعدي
في سنين أو حتي ساعات
اوعاك للجرح توطي
وفي سجن الحزن تبات
كسر قضبان العتمه
واحلم جوا الازمات
واغسل وشك واتوضي
كمل كل الحكايات
كمل مشوارك عدي
بالغنا هاتعيش مرات
وارمي الاحزان ورا ضهرك
هاطير زي الحمامات
والروح هتعدي المالح
وتكمل في الازمات
ماتقولش في يوم اشمعن
والقطر في يوم أهو فات
لو يوم مقدرتش تحلم
تتعد من الاموات
…………………..

اشرف الشناوي
شاعر عاميه
البرامون
المنصوره