حنين – شعر عامية
حنين – شعر عامية
حسن أبو عرب
واحشنى يا زمن
الحقيقه
إنسان بجد
مع بيئه صديقه
وِسط الجمال
والصدق والروح
البريئه
وِسط الغيطان
والقمح والخُضرَه
عندالسواقى
وأشجارنا العتيقه
وحشنى ابُويا
وجدتي وخالى
وحشنى صوت المآذن
فى الفجر بيلاَلِى
ووحشنى لِبسِّى
وجلبِيتى وشالى
نسمة عصارى
مهفهفه رقيقه
واجران بلدنا
اللى عمرانه بالغَلَّه
والغدا سارح
والقعده فى الضله
صفصافه ع الترعه
ومسقعه القلَّه
كلنا واحد
فى الفَرْح والضيقَه !!
