ياصبح ياماشي – شعر عامية
ياصبح ياماشي – شعر عامية
اشرف الشناوي شاعر عاميه البرامون – المنصوره
وتدور الحياه بينا
نضحك تبكينا
نرسم أمانينا
نحلم نشوف الشط
نرجع مافيش فينا
فرحه ولا لينا
غير الوجع مينا
نقعد ونستني
باب الأمل يفتح
فانخش للجنه
زي اللي قابلينا
ياصبح ياماشي
بالضي فوق كفك
بالله ماتنساشي
قلبي اللي مضحكش
من حزنه مافرحش
ولا حس طعم النور
هده الغنا والسور
طاير مابين زنازين
يسمع بكا المساجين
والفجر متكتف
في العتمه لسه حزين
ياقلبي يابادر
بكر الغناوي في بور
امتى الوجع دا يغور
وتعيش بقيت العمر
طاير كما العصفور
وتحس بالمتعه
بين الغيطان والدوور
وتغني زي ماكنت
قبل الزمان مايدور
……………………..
