حبة غنا فاضلين في الروح – شعر عامية
حبة غنا فاضلين في الروح – شعر عامية
اشرف الشناوي
شاعر عاميه
البرامون
المنصوره
حبة غنا
فاضلين في الروح
والقلب متوضي
باحزان
وبكره داب
من كتر النوح
وفجر بيزق في عتمه
وصبح ياخده
الموج يرميه
وحلم متداس بالجزمه
حتى الغنا
مش لاقي مكان
يتداري ويتوه في الزحمه
وضحكه من كتر الاوجاع
بتخبي في وشوشنا
الباهته
زرعنا ياما غيطان
ياسمين
طرحت نجيل
مافيهوش وحمه
حتى الطريق مافهوش
قنديل. ولا سكه باينه
تريحنا
ياخدنا موج
يرمينا بعيد.. لموج عنيد
يوم يدبحنا
نلقي الأمل عالبر حزين
نفسه في وطن
أو يلمحنا
يحضن ويغطي
وفي الدراويش
وكلاب بتنهش في اللحمه
يرمي الوجع ويلم الريش
فاميلاقيش غير كام فحمه
وعيون بتحلم
مره تعيش
لو ساعه واحده
وفي الرحله
…………………………….
