جبار!!! – شعر عامية
جبار!!! – شعر عامية
محمود عفيفي دومه
عايز تخوض تجربة
حلمك راود م الصبا
بتجرجرك نزوة
عايز تقوم بغارات
وتبين المهارات
وتخش كام غزوة
حضرت رجالة
هيأت للحالة
بتلم ناس عزوة
وملكت كام نبوت
وبقيت خلاص جبروت
وبقيت من الحظوة
وعليت واستعليت
وروحت جري بديت
ودبرت كام أذوة
ترمي بلاك ع الخلق
وتزيد مرار الحلق
قسمتها كام فلق
وترازي كام رزوة
طب روح يجيك يابعيد
ماتعيش وتبقي سعيد
وماتشوف ف يوم للعيد
روح انت والعزوة!!!
