في ذكرى ثورة ٢٣ يوليو : “من القلب لعبد الناصر ” – شعر عامية
في ذكرى ثورة ٢٣ يوليو : “من القلب لعبد الناصر ” – شعر عامية
اشرف الشناوي
شاعر عاميه
البرامون
المنصوره
لسه الغنا واصل
من قلب عالبناصر
ياشمس ياشموسه
هاتي القمر والشال
والمهر فوقه جمال
راجل وشهم أصيل
طالع لطمي النيل
يرمي الكفوف بالنور
تحبل سبل وزهور
اسمر سمار الليل
ماتعبش يوم م الشيل
فارس وقد القول
ياشمس ياطالعه
خلي الشموع والعه
قومي نوري القناديل
لسه الجدع عايش
جوانا جيل ورا جيل
ياقبر ياحاضن
بالراحه عالمواويل
لسه الغنا واصل
من قلب عالبناصر
والغنوه لو قاصر
يبقى احنا فينا عويل
ياشمس ياجايه
اسقي الحمام ميه
راح يعشق الغيه
ويعلم الزغاليل
الفين سلام ياجميل
فرد الحمام دا أصيل
ياتوته يافرعه
يامضلله الترعه
وتحني في العصافير
ناصر فضل غنوه
يعشقها كل فقير
………………………..
