مملكة الغربان – شعر عامية
مملكة الغربان – شعر عامية
حسن أبو عرب
مين اللى قال
ان الغراب
اغبى الطيور
ملهُوش دور
واقف هناك
آخر الطابور
كل اللى فكر يوم كدا
معقول يقولوا عليه حكيم وعالِم وقُور
دى مملكه
هوصف نظامها فى سطور واسأل وشُور
مِن علمك دفن القبور؟!
فبلاش غرور
دا ان يوم دليله قام نعق ينذر ثلاثا بالتواجد والحضور ومفيش غياب
ابدأ محاكمه
افتح حساب
المحكمه راح تتنصب
القاضى أنثى
ومستشارها اتنين ذكور والمتهم واقف ذليل
مِوَطى راس وجناح وديل
كل الطيور بيشكلوا
حوالينُه سور
فى المحكمه مين اللى يكذب
أو هيشهد مره زور
دا مفيش حسب
ولافيش نسب
ولا تلقى واسطَه وأدنى جُور كل اللى يهدم بيت ضعيف ملزم يعيده جديد نضيف واللى سفك واللى هتك
واللى نهب
ولا كنش أبدا يوم شريف. قطع الطريق خان الرفيق
حَوِّل ربيع المملكه
جَد لخريف
حتما لابد من القصاص
من خونه باعوا
وناس رخاص
تمن السفاله والنداله
الموت بمنقار العداله
وطرحها بأراضى بور
فيا انسان
تعلم من أمة الغربان
ازاى تعيش فى امان
وازاى تعيش فى النور
