فدان اغاني – شعر عامية
فدان اغاني – شعر عامية
أشرف الشناوي
مصر
في عيون الولاد
ضي يستاهل الجهاد
مصر ياغنوه وأمان
نيل بيحضن في الغيطان
مصر ياتوته وعفيه
روحنا في ايديكي الهديه
مصر ياشمسه وأماني
قلبي من عشقك كواني
كل حرف في اسمك انتي
ينكتب فدان اغاني
مصر ياضله وساقيه
دمنا حنة كفوفك
افردي عالكون جناحك
عشقنا للموت سلاحك
تسلمي م الجرح
قومي
كملي المشوار وغني
طول ماطين الأرض طارح
بكره جاي بايديه محني
لمى واسقي في الحمام
وافردي حجرك ينام
مهما كان الجرح واصل
كلنا بيدي التمام
كلنا قد التحدي
بس عاشقين للسلام
……………………
