ساده اسكتوا!!! – شعر عامية
ساده اسكتوا!!! – شعر عامية
محمود عفيفي دومة
ايوا عايزاها ساده اسكتوا
ولو ماسكتوا
وقولتوا زيادة
هارجع تاني واعيد م الاول
من عام نول
لسه شايفها غامق مع سادة
ايوا ياسادة
شوفت كتير ف الجد اهو بانو
شوفي دقيق بيشوف. بالنانو
شوفت الجن عارف لمكانو
بس ماشفتش لخلق ومايعة
عكس عكاس
شاريه وبايعة
مخالفه وطايعة
فقر و مرعة
من الاقزام وبتعمل فرعة
موج البحر عكار الترعة
بس الطعم خساره كان مانوا
واخدين. كيفي وسابو مراروا
شربوها فاتح .
واللون اختاروا
ولما. احتاروا
جابوا م القهوة كام فنجان
ال بوش. ومابويشش
وال اتغش وهو ماغشش
وال مصيص
ع فنجان واقع ومفيص
وقابل للذوبان ف الماء
وال ملون يجي ميت لون
فنجانه شربه الف صالون
يردد قوله. يعيد ويلتوا
ماشاء الله
تقول فرئله
ولا تظن. ده عرق فلتو
مسكت لنفسي وروحت الومها
ولومت لعقلي مسكتوا نكتوا
وروحت بسرعة. وناديت تاني
آه يادماغي فنجان قهوة
وحياه والدك ساده اسكتوا!!!
