عيل مريض – شعر عامية
عيل مريض – شعر عامية
حسن أبو عرب
ياما ناس كتير بتخون
لَكِن فى ناس اكبر
عيل مريض مجنون
عايب ومتكبر
رخيص وسافل دون
ولا حاجه فيه بتطمر
دالقلب لو مشحون
بالحلم راح اصبر
ياما ناس بمليون لون
وانا قلبى صار اخضر
يعشق جمال الكون
وبغيرُه يتأثر
شاعر بقلب حنون
نضيف مهوش اصفر
حمام وغصن زتون
فوق قلبى بيكبر
يا أيها المفتون
على ايه بتتجبر
لله فى خلقه شؤون
ياريتنا نتدبر!
ياريتنا نتدبر!
