( حيرة ) – شعر عامية
( حيرة ) – شعر عامية
محمود عفيفي دومة
وصفحة وكلمة مكتوبة
الاقي نقطة مطرحها
اسهيها ولو بسطور
تضيق الصفحة ماتسعها
بسرعة تاني…اكتبها
تكون اسرع.وتمسحها
فكرت ان انا ارميها
ومن زهقي اطوحها
لقيت الحرف حاضني
يقولي نكتة بمزحها
انا المحقوق متزعلش
وصفحة جديدة افتحها
وسامحني ال فات اهو مات
وكات صفحة وقطعها
وخد سطري معاك لين
و خد لحروفي طوعها
وزوق صفحتك بيا
معاك انا هو ونوعها
خلاص وعد وانا خدته
أنا جنك ماتوه منك.
ولانقطه اضيعها
تكتبني علي مشهد
تلاقيني اوام بشهد
تلوم الدنيا ومافيها
عيوني النوم يجافيها
تشوف دمعي سايل ع السطر
مليش غيرك حبيبي ووتر
وحزني لما تبقى حزين
بحاول اعدل الموازين
واقطع دمعتك بالبتر
واطول ضحكتي محطات
وبسمة الف متر ومتر
ولسطورك اكون رامق
والون النقط دهبي
ونقط فضي ومفيش غامق
وافهمها و المحها
واجمعها وارسمها
واقسمها واطرحها
وارمي لكان وشوحها
وسامحني
وال فات اهو مات
واطوي الصفحة قطعها
وماتزعلش!!!
