يامراكبي فين هتودينا – شعر عامية
يامراكبي فين هتودينا – شعر عامية
أشرف الشناوي
يامراكبي فين هتودينا
لا بر نافع ولا مينا
يامراكبي امتى ترسينا
يامراكبي جدف بدراعي
كترت وزادت اوجاعي
الصبح عدي وخاد نوره
والفجر مستني في دوره
حتى الأمل تاه في الزحمه
يامراكبي فين هتودينا
على بر توت زرع ايدينا
نحلم ونضحك ونصلي
ونزور مقام سيدي متولي
يامراكبي عمرنا بيولي
نزلنا عالشط وسمي
يامراكبي فين هتودينا
وامتي هانفوق ونغني
والقلب مخنوق متغمي
يامراكبي نشفت في دمي
مافضلش غير وجعي وهمي
ماتقولي فين هتودينا
……………………
