يبنى اسمعنى – شعر عاميه
يبنى اسمعنى – شعر عاميه
حسن أبو عرب
اياك يصعب حد عليك
أو يتهز فى راسك شعره
قلبك اللخضر راح يعمِّيك
والأشواق تتحول جمره
تحرق روحك ليه بإديك
علشان ناقصك لسه الخبره؟!
يبنى اسمعنى الله يهديك
طعم كاسات الغدر دى مره
عمرك شوفت فى يوم الديك
صلى امام والناس له حاضره
شوك الورد دا راح يأذيك
ولا راح تجنى غير الحسره
انسى وفارق للى ناسيك
ووراه اكسر مليون جَرَّه
واشترى بس للى شاريك
واوعه يشوف فى عيونك كسْرَه!!
