صنف شحيح!!! – شعر عامية
صنف شحيح!!! – شعر عامية
محمود عفيفي دومه
بكام الضحكة يا معلم
الاقي ضحكتين طازة
تكون م القلب وصافية
ولسه بيور وفرازة
ياريت شوفلي. كده وقلب
لو حتي لضحكة ف ازازة
اخزنها واخليها
اكيد ليها متين عازة
ياريت ضحكة تكون صابحة
تكون لصفي منحازة
واوعي تقول مفيش عندي
قفل مصنعها في أجازة
وكل الضحك سوق سودة
تاخد ضحكة مع ڤازا
مفيش منك خبر فرحة
تكون برحة مانغازة
ولو بسمه تكون قسمة
بطعم سعادة ولذاذة
مايكونش الضحك مستورد
محتاج لبطاقة وحيازة
يارب يسترك يابني
وربي ليك يكون جازه
شوفلي بسمة مع ضحكة
مباحة ياابني ومجازة
ياريت منها يكون كبسول
ولو فوار ياريت هذا
ياريت هذا!!!!
ياريت هذا!!!!
