الملايكه رافضه النزول – شعر عامية
الملايكه رافضه النزول – شعر عامية
اشرف الشناوي
شاعر عاميه
البرامون
المنصوره
الملايكه
رافضه النزول م السما
والشتا أعلن العصيان
والليل فرد قلوعه عالبيوت
مش همه حد يموت
والوجع سانن سنانه
ومجهز المناشير
حتى الحمام خايف يطير
والعصافير تايهه عالشجر
والصبح شايل بؤجته..
مش شايف سكته
والفجر مرسوم عالحيطان
والشمس قافله البيبان
والقمر تايه جوا
السحاب حيران
والخلق جوا القبور
راقده زي أهل الكهف
سابت بيوتها اللي
مالها سقف
والأرض نامت
م العطش والجوع
ومريم جايه شايله يسوع
والنيل صرخ
م الخنقه والمشاوير
والأمل ماشي على المسامير
عمال يطفي في القناديل
وبكره بيعدل دفته فتميل
وليل البكا
عالمجروحين دا طويل
ولا عاد يفيد الغنا
ولا ضحكة المواويل
من امتي الحياه
كات لنا
دي………. للي بيعشقوا
التمثيل
…………………..
