بلصم ملامحي – شعر عامية
بلصم ملامحي – شعر عامية
اشرف الشناوي
شاعر عاميه
البرامون
المنصوره
بلصم ملامحي
واقول بكره يمكن
الاقي اللي ضاع
وبضحك واكمل
في وسط الجياع
وبرسم في صبحي
وليلى اللي قافل
في وشي البيبان
وفجري اللي تايه
بيصحي الغيطان
والم اللي باقي
في أرض الشراقي
بحبة خيطان
وبحلم بغنوه
ترجعني تاني
لايام زمان
بلصم ملامحي
وبكتم في جرحي
بلاقي اللي فاضل
دا طبة ميزان
واعافر واسافر
بحلمي اللي باقي
فيخطفني وجعي
ويطلب رهان
واغربل سنيني
فيكتر حنيني لعمري
اللي فات
الاقي اللي عدي
سنين ياما راحت
وفاضل ساعات
وناس م اللي راحوا
على الشط غنوا
في ايدهم نايات
أشاور وانادي محدش
سامعني فبرجع واجعني
شوقي لحاجات
وحاضن في حلمي
الاقي مقابلني
ضميري اللي مات
ألم في ملامحي
واداري اللي ناقص
بحبة سكات
………………………
