مش ملاكك – شعر عامية
مش ملاكك – شعر عامية
محمود عفيفي دومة
مش ملاكك!
بس ال مش ممكن تماما
ان عمري ماكون هلاكك
كنت شمس
وانا ضلي تاه ف ضيك
كنت ضي
وانا غريب تايه ف حيك
وصابني تيه
كنت ياما حاجات جميلة
بس انا
مش عارفني. ابقي ايه
لما قولك .
خافي مني ده لاني
حالي كل يوم بحال
موجي يجرف للمحال
ملوش امان
حتي لو بصمته طال
مره قولي يكون عبايطي
ومره افرشلك عبايتي
ومره يبقي غطايا شال
تبقي ساكنه ف مرايتي
صورة بيضة وتبقي لايتي
وفجأه يبقي مفيش سؤال
وابقي ساكت
وساعه تبقي الدنيا فرحة
وتبقي كل همسة سارحة
وكلمتي تجري وشارحة
ان انت
واحه مالكة للجمال
وكنت مني
وبينا الف ضحكة عايشة
وكام جدار بحيطانه حايشة
اي نسمة شارده طايشة
وكل خط في سطر مال
وده لأني
خوفي ان يكون نصيبك
من هوايا نسمة جارحة
يلا روحي ياك تصيبك
السعاده وكل فرحة
بس . انا
ع ال كان جوايا ساكك
واني آسف مش ملاكك!!!