واسيبها ازاي – شعر عامية

تزعلني ازعلها
نعاتب بعض شئ عادي
دي بلدي وعزه لولادي
اجوع اعطش وايه يعني
والا الف البلاد معمي
وامد ايديا بالعوزه
وارصلها كمان جوزه
ولو شاورت
هشد الشده بالخوذه
واموت وانا روحي
مبسوطه
ولا يحني لراس توته
بشر أو جان
واسيبها ازاي
وانا روحي
في شفطة شاي
واصلي الصبح
في الجامع
واشوف الزرع
بيسبح
بحمد الله
وفلاحها بيسقيها
بدمع عينيه
واشوف الحلم
في عيالها
بتعدل م الهوا شالها
دي مصر دي كايده
عزالها…. وبدر الليل
ونيلها بيحضن الساقيه
ويمشي يغني
في غيطانها
ويشتالها بكف ايديه
ويعمل م التراب حنه
فنمشي عليه
وازعلها انا طب ليه
مادام قلبي بيعشقها
وتشتاق لي
هاخاف من ايه
………………….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى