وليا وطن – شعر عامية
وليا وطن – شعر عامية
اشرف الشناوي
شاعر عاميه
البرامون
المنصوره

وليا وطن
واقف على حيله
ولا يعجبني وطن
في الدنيا دي غيره
عاشق لطينه
وفاهم لغة طيره
ابدر غيطانه امل
واكل انا في خيره
زي الحمام انا
غاوي ملاغيه
انام على كفها
واصحى بحنيه
ومهما خدني السفر
بارجع وللغيه
نسهر في ليل الغنا
عالشط والميه
ياخدني شوق
حضنها
وندوب انا وهي
ويلف كأس الغرام
يسقي المراكبيه
وليا وطن
واقف عليه حراس
مابين ادان للصلا
ووقفة القداس
تلقى القلوب في الغنا
دايبه من الاحساس
وليا وطن
عافي ومتعافي
وفي عز برد الشتا
تلقاه جميل دافي
تلقى البيوت في الرضا
زي النهار صافي
بتهز فينا الوجع
نرجع مافيش
حافي
وليا وطن
حته من الجنه
كل اللي جالوا
عشق م العشق
قام غنا
ونيل بيعدي الجسور
بيحبل الغله
ويملا الغيطان بالمني
والأرض تتحما
شايل معاه الأمل
للتوته واللمه
أجمل مافيك ياوطن
اسمك دا ليه
شنه
………………………..