انا بشكرك يا امه – شعر عامية
انا بشكرك يا امه – شعر عامية
علي النمر المصري
نقط العرق دهب.
انا بشكرك يامه
من غيرك يامه ببقي مفيش
ببقي ضعيف.
نقط العرق دهب.
سهران علي حدودك
انا جندي ليكي اتوهب.
حافظ علي وجودك.
انا بشكرك يامه
خلفتي راجل جدع
مش كلمه بنقولها.
يصحي يصلي الفجر
وبيجري علي شغله
متعودين عاالشقي
رضعينه شربينه.
ولا مره يقدر شيطان
يهدم في حكاوينا.
منقوشه فوق الهرم
والكل عارفينو
منقوشه فوق الهرم
والكل شيفينو.
داتاريخنا مالاجداد
مكتوب علي جبينو.
انا بشكرك يامه
خلفتي راجل جدع
مالشده قلبه اتوجع
وربنا يعينو.
..
وعلي فكرة
مش فارقه معانا الديانات
وقت الجد وقت الشده
الكل بيبقي اخوات.
الكل بيبقي اخوات.