ازاي هاتكمل قول – شعر عامية

هنت عليك
بعت الاحلام
ومشيت ونسيت
اجمل ايام
ولا حب بيشفع
فيك وغرام
طب كنت استني
شويه وشوف
يمكن تشفع لك
اي ظروف
معقوله انا هنت
عليك وخلاص
طب قولي انا هاعمل
ايه من غيرك
واعيش ازاي
باقي المشوار
انا لسه لحد الوقتي
بقول دا هزار
معقوله تبعني
وتاخد بس لوحدك
اي قرار
انا عمري ماكنت.
اتصور يوم مالقاك
ولا اعيش الباقي
في عمري
ماشوفش هواك
ازاي هاتكمل عمرك قول
انا كنت لقلبك ناي
وساعات ارغول
معقول
معقول العند هايخدك
مني في يوم ماتجيش
معقوله هتقدر يوم
من غيري تعيش
صدقني ملامحك
أصدق منك ماتخبيش
انا هفضل هنا مستني
مع الدراويش
ولحد ماترجع تاني
انا هقفل قلبي
ولا اغنيش
……………………..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى