اخر محطه – شعر عامية

باتوه وسط الحواري
واتوه وسط البيوت
ياخدني الحلم لكن
في لحظه ارجع واموت
وامشي من غير اماني
وسط الكون والسكوت
ليه بس معذباني
وانا جرحي
مالوش حدود
افرد جناح واغني
واعمل م الحزن عود
ياليل مالك ومالي
ماتسيبني اخرج
واعيش
يمكن القى بخيالي
حبة اوهام وريش
ليه كل صبح يطلع..
يطلع ملفوف بخيش
والحزن ليه يوماتي
جااي ومجهز لي جيش
ارجع تاني لشوارع
مليانه وبالاهات
ووشوش مش
قادره تضحك
زي وشوش الحارات
نفضل ماشيين بنجري
عقارب في الساعات
نوصل اخر محطه
نقعد ويا اللي مات
شايلين في القلب
ضحكه وحبة
ذكريات
………………….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى