المدارس – شعر عامية
المدارس – شعر عامية
ممدوح عرابي
المدارس في السناتر
والشوارع زحمه خالص
والفصول فاضية خاوية
كل طالب مطوة سنجةمع جنزير
والخناق صبح ضهر
يضرب مدرس او مدير
والوزارة مدارية
عامله طرشه وعامله عاميه
تنام وتصحي بكلمتين
كل عام مرصوصين
المناهج تقول هطور
الشمال يروح يمين
والمعلم له تحير
السبورة تكون ذكية
تاب وبوكلت محتارين
كل عام نفضل نبدل
راح وزير جه وزير
طه حسين كان وزير
والكل عارف كان كفيف
بس كان له بصيره
كنا في العلم علامة
كان مفيش مستحيل
لما جانا وزير وشايف
قال هقنن السناتر
طلعنا م التصنيف ياعالم
مين يقولي ايه البديل