على مدد الشوف – شعر عامية

قاعد قلقان نايم زهقان
افكار بتاخدني توديني
على بر جنان
استني الصبح مايطلعش
وبحبة نور
المح على مدد الشوف ياما
يجي الفين سور
طب اطير ازاي من غير جناحات
طب ادور ازاي وسط الحمامات
طب اغني ازاي من غير كلمات
وانا شايف كل الكون دا ضباب
وغلبت ادق على الشبابيك
يطلعلي الليل مليان تلاكيك
وتاخدني العتمه ماشفش حياه
وارجع مكسور حيران وحزين
والقاني في وسط كتير مساجين
زهقان قلقان مش لاقي مكان
وتعبت اغربل في الاحزان
وازرع ياسمين
تاكله الغربان
وبزق الساقيه تدور
ماتدور
على أرض بتكره
ريحة النور
وتخاف لو يوم
غنا العصفور
…………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى