قبل الكمين – شعر عامية
قبل الكمين – شعر عامية
اشرف الشناوي
شاعر عاميه
البرامون
المنصوره

هدي اللعب علينا شويه
اصل يادنيا ماعدش براح
ضرب شتيمه وبالشلاليت
شكلنا عاد زي العفاريت
نضحك ليه وجراحنا مواني
سيبي الفرح يعدي ثواني
خانقه النور برا الشبابيك
تزعلي ليه م الحلم الشيك
حتى الفجر حلف مايجيش
طول مالحزن مابيعديش
حبة ضي مع الدراويش
يزرعوا بيه الأرض البور
أو يفتحوا كام بااب
في السور
خفي يادنيا علينا شويه
يمكن نرجع تاني نعيش
سيبي القلب يقوم ويصلي
يمكن يضحك غصبن عني
أو يوم يفرح فيه ويغني
قبل مايدخل عالتفتيش
ياخده الخوف ويهزه شاويش
ويساله يالا بطاقه وفيش
……………………..