الباب المقفول – شعر عامية
الباب المقفول – شعر عامية
اشرف الشناوي
شاعر عاميه
البرامون
المنصوره

ماتت
ومحدش حس
ولا جار
ولا جاره
مد ايديه عل بابها
ولا يسأل مالها
ايه جرالها
ولا بص
ماتت ولا حد
غسلها
أو حس وجعها
واحزانها
ماتت من غير
ماتقول….. ايوا
فضلت عالارض
لحد مادابت
ولا نادت
ولا صرخت
ولا قالت اه
ولا صاحب ولا
صاحبه… غير بس الله
ولا حدش لاحظ
انها غابت
يااااه عالخلق
المساطيل
ماتت من غير
ماتوصي
أو حد يلقنها شهاده
أو يسمع اخر حاجه
بتتمناها
ماتت م الوحده
زهقت م الرحله
لمت أحلامها وخبتها
ضحكت تعبت
مين حس بازمتها
ماتت والباب مقفول
ولا حدش حس بدمعتها
مين فينا المسؤول
…………………
