نفسي – شعر عامية
نفسي – شعر عامية
حسن أبو عرب
نفسى انا أسَرَّخ
من جوايا
نفسى أطَلَّع
كل همومى
نفسى الحزن
ميبقاش كومى
نفسى يافرحه
فى مره تدومى
وتبقى معايا
يا اللى مخاصم
نومك سَرَّخ
مهما سواد الليل
فيك جَرَّح
نور الفجر
وضيه يفرح
بيوضينى ويصلِّي بِى
ويبقى هدايه!!
نفسى أسَرخ من جوايا
نفسى أتخلص م السلبيه
نفسى أكسر كل مرَايا
بتزين لى غرور فى عنيا
نفسى يكون الحب بدايه
نفسى أفارق كل أذيه
نفسى حقيقي وكل منايا
يِصفَا القلب وتصفا النيه
نفسى أسرخ من جوايا