أبن الريف – شعر عامية
أبن الريف – شعر عامية
علي النمر
بلاش نحلم
عشان احلامنا مالأخر
هاتبقى مفيش.
بعيد عنك قريب منك
ماتستاهليش.
دانا أبن الريف بعيش ف الخير ومايسبنيش.
حلمت فى يوم بحدوته
مفرقتنيش.
بأني يعني حبيتك وفيكي
بعيش.
وانك دايبه ف أبن الريف
واصلي بفيش.
اتاري العقل جواكي دا
بح مفيش.
وانا صدقت يوم نفسي بأني
عريس.
لقيت البعد عن حلمك بخيره
يعيش.
وانك يعني مالأول
ماتستاهليش.
دانا أبن الريف يأانسانه
ومعرفتيش.
تحافظي عليا من نفسك
ماتحرمنيش.
وسامعه القلب بيعدد وبرضه
مفيش.
انا اسف باقولهالك
ماتحلمنيش.
عشان احلامنا مالأخر هاتبقى
مفيش…
….
