اخر. حلم – شعر عامية
اخر. حلم – شعر عامية
اشرف الشناوي شاعر عاميه البرامون – المنصوره
وادينا عايشين ماشين طايرين
واهو عمر بيعدي شهور وسنين
نضحك مانحس بضحكتنا
ودموعنا بتغسل فرحتنا
ايام بتدوور
وبتخطف م العين أمانينا
نحلم بنهار بين جنه ونار
ولا صبح بيطلع ويشقشق
ويجيب عصافير
مافضلش خلاص
غير اوجاعنا جوانا كتير
اه يافجر مافيه ولا حبة نور
محبوس في العتمه ومليون سور
وازاي هانكمل سكتنا
وقلوبنا بتهرب وتسيبنا
من غير احلام
والعمر جراح بتقلبنا
على جمر الشوق بتعذبنا
وازاي هننام
نعمل م الغنا حلم
يضمنا جوا الأوهام
وادينا عايشين
يمكن نلقي لنا في مره مكان
نضحك ونعيش من غير تهويش
وسط الدراويش من غير احزان
وتطير الروح من غير جناحات
جوا الملكوت
ونحس بطعم الضحكه
ونرجع تاني نموت
والقطر اهو جاي سامعين الصوت
عمال بيغني ويهز الأرض
يمد ايديه ويلم التوت
………………………..
