اخر ورقة توووت – عامية

اخر ورقة
توت
ادم خدها
وقال يافكيك
واهو سابنا عرايا
بنلبس قال عالموضه
وشيك
لو كنت يافالح
فالح ليه ابليس
يغويك
مش كنا زمنا
ياعم تمام في الجنه
عايشين ولا حدش
فينا بيبدر غله
ولا يعزق أرض
ويفضل طول السنه
يستنى
يشتري كام طوبه
عشان مايقيمله جدار
البنا
أو يحسب كل دقيقه
الحسبه اياها
وينام من غير مايحس
بأنه في قلب متاهه
يستنى في بكره
الشمسه يحس دفاها
أو يمشي في سكه
كلابها ماهش عارفاها
أو يلمح صبح
معدي عليه بيغني
أو فجر يكون بالنور
متحني
مش كنت تفكر حبه
يا ادم أفندي
واسامحك قولي ازاي
سخن لي ياعم شوية شاي
دا الواحد ناقص يقلع
كل هدومه
والروح بتموت علشان
مايعدي في يومه
طب ذنب الخلق دي ايه
علشان غلطان
تفاحة ايه مالجنه
كانت ادامك
وملايكه وحور وبحور
ربك انشأها عشانك
صعبت الحسبه علينا
ورحت رجعت مكانك
……………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى