ارتجالي – شعر عامية
ارتجالي – شعر عامية
وحيد علي الجمال
ما تحوَّلش يا صاحبي
تاني،
تبقى في غضبك
صدامي.
لو نويت تلعن ظروفك،
خد نفس في الحب
كافي،
وامشِ جوَّه القلب
حافي،
بالتأني والهدوء
الاحترازي.
وبقرارك تبقى راسي،
تبقا حازم، تبقا حاسم،
مش أناني وانفرادي،
عاللي حبك تبقى
جاني.
ألف مرة أنا كنت
زيك،
كنت بتحدّى انتقامي،
بعد توقيعي النهائي
إن ده يوم اعتزالي.
كنت عازم ألف واحد
يحضروا حفل ارتحالي،
مرة واحدة نبض قلبي
هزني كلي وكياني،
خلّى آخر يوم في حبه
لما شوفته بدمعة جاني،
إني أعيد برضه حساباتي،
رحت خاطفه وفي ثواني.
وبمشاعر عمر قلبي،
اللي غابت واللي شابت،
جددوا عقد احترافي.
أصلي أنا في العشق
دايب،
حد غيري ملهوش نايب،
مهما قلبي في حبه
خايب،
كل لعبي كان مهاري،
بعد جرحي الافتراضي
لعبي كله كان
تحدي،
ومعظمه لعب ارتجالي.
لسه بدري يا حبيبي
إني أشوف ماتش
اعتزالي.
