الدنيا قبل النبي – شعر عامية
الدنيا قبل النبي – شعر عامية
حسن أبو عرب
الدنيا قبل النبى
كانت ظلام وقبور
أحوال وفيها العجب
أوثان وكات تتعبد
أصنام وملهاش عدد
كان جهل مالى الدور
والناس على صنفين
ساده وعبيد مساكين
وقلوب حجر ماتلين
فى دنيا سادها الجور
فى يوم ميلاد النبى
المسك فاح وعطور
فارس نيرانها انطفت
كسرى اتهدم له قصور
أحمد رسول الهدى
هادى القلوب البور
دعوة وسلام للبشر
وفى الكتاب مذكور
صلوا عليه وسلموا
يسكن قلوبكوا النور
