الليل والحصان – شعر عامية

…………………..

ياليل يابو الغناوي
مليان ليه بالجروح
الناس عايشين وقلبي
مش قادر يوم يبوح
افرد وازاي جناحي
هايشلني فين ماروح
وامشي من غير م الاقي
جوايا اي روح
تايه في ليل بكايا
طاير فوق م السطوح
استني الشمس تطلع
من غير حبة دموع
أو صبح يكون معدي
وياه حبة شموع
أمشي وانا قلبي خايف
م الشوق وم الحنين
تخطف روحي المحبه
ونتوه جوا السنين
ياليل راكب حصانه
بيرمح بين البيوت
ماتسيب لو ضحكه واحده
ونعدي بها السكوت
لو خدت يوم غنانا
ازاي منك نفوت
ماتسيبنا نعدي مره
يمكن نفرح نموت
يمكن نرتاح وننسي
ونتوه جوا الشوارع
ونلاقي الفجر طالع
من قلب فرع توت
………………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى