انا قلبي متشعبط في النور – شعر عامية
انا قلبي متشعبط في النور – شعر عامية
اشرف الشناوي
شاعر عاميه
البرامون
المنصوره
ياحمام وقف على شباكي
فرحان عشان قلبي هواكي
بيغني ويقول في حروفك
وكأني شايفك ادامي
وبرسمك طول ايامي
واحن واشتاق بالاقيكي
وعيوني مروه بتسقيكي
شباكي ياحمام ليك غيه
عشش وقول في الاغنيه
حبيبي مهما بعد عني
بيجيني وبالف هديه
ياحمام وقف على شباكي
فرحان عشان قلبي هواكي
انا روحي تتشعبط في النور
وتلف في الملكوت وتدور
محلا الغنا في حضن العصفور
والليل بيرسم حكاياته
عطشان وكل دقيقه اشتاق
وضحكتك بحرين اشواق
بياخدني موج يرميني لموج
بالقاني لسه مع العشاق
ارجع وانام انا في عيونك
واستني صبحك من تاني
وازرع غيطان ورد عشانك
واسقيها من روحي اغاني
يافجر زق الليل واطلع
علشان حبيبتي موعداني
……………………
