بأمر الاله – شعر عامية

ساعات
من حياتنا
بأمر الاله
نعافر ونضحك
تاخدنا الحياه
وفينا اللي يرجع
ومنا اللي تاه
ونرسم املنا
ونعمل حواه
ونستني بكره نسافر
معاه
لفجر الاماني
لصبح بضياه
نتوه في الليالي
نغني فيطلع بكانا
اللي عالي
نحس بقساه
ساعات من حياتنا
نصاحب سكاتنا
ونعشق هواه
ونمشي في طريقنا
فتسبقنا روحنا
لاخر مداه
ونفرش جراحنا
فيطرح فرحنا
حاجات من وراه
فنرجع نلاقي
يادوب م اللي باقي
شوية حياه
فنحضن املنا
ونرهن عيالنا
بحبة طحين
ونرجع نعافر ونرجع
نسافر في بحر الحنين
ونلقي اللي ماتوا
في لحظة صفاهم
بيشاورا انتوا
مين …………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى