بين صلاح جاهين فيلسوف البسطاء و معوض حلمي الفلاح الفصيح
بين صلاح جاهين فيلسوف البسطاء و معوض حلمي الفلاح الفصيح
قال فيلسوف البسطاء العملاق
صلاح جاهين
عطشان ياصبايا … دلونى على السبيل
في قلبي ولعة قايدة، من كتر السكسبييل
شكل الصبايا يهبل … فى لبس المناطيل
رحت لحكيم يداوي … نار القلب العليل
فتح الكتاب و قال لي، عندك عقدة خليل
وخليل ده كان عجلاتى، في درب المهابيل
اللي قال الكلام ده … أستاذ عالم جليل
إسمه فرويد ولازم … نعمل لك تحاليل
يا بهية وخبريني … ع اللي قتل القتيل
قتلوه السود عيونك … ولا الهم التقيل
وأحكم يا قاضى المحاكم بالعدل و الدليل
قال:اللي جيبه فاضي، ممنوع يعشق جميل
……………………………
رد معوض حلمي الفلاح الفصيح
تعبــــــان ياحبـــــايب
وعيــــوني مغشـــلقين
وانا كنـــت واد مفتــح
واللـي عـمــــاني مــين ..؟
شوفــت البنات أمــاره
حـلــوين ومــــــدورين
والضحـكه بالأمــــــاره
محبـــوسه ف العينـين
روحت لحكيم مجـرب
وســـــــنانه مخلعـــين
بيقـولوا شيــــخ أراري
بيفـــك المربوطــــــين
وبيتـه جنــب بيـــــتي
طـــــوالي ع اليمــــين
سألتـــه إيه العبـــــاره
هـانروح لحـد فــــــين ..؟
لاعـاد حواليـــنا عـادل
ولاعــــادوا المعـدولين
قاللي الظروف ياشاعر
بتعـجن ف العجـــــين
بتشـكك ف الحقيـــقي
وتصــدق ف الهجـــين
بتاخـــــد م الفقـــــارى
وتـدي الشبعـــــــــانين
وقنـاوي وهــو ســـارح
بيــدفـع ف الكمــــــين
عشــــان ديل الحمــاره
قصـــــــــير حبتــــــين
وقالــوا ف التكــــــاتك
أسـيادنا الواعظـــــــين
الـدار لـو فيــها صــايع
ســـــكانها متصـــــانين
والفـرن اللـي ف بلــدنا
بيطلـــع عيـش متــــين
لو تاكله مـــره واحـــده
هاتحلـــف ميت يمـــين
لاتعيـش العمـر صــــايم
وتمـــوت م الزاهـــــدين
وحســين الجزمـــــــاتي
الفقــــري ابن الحــــزين
بعـد امـــا كان عواطــلي
بيســـــرح شحـــــــاتين
دلوقتــــي واد ألاجـــــه
وعنــــــــــده فيلتـــــين
بيرطــــن فــي المعـــابد
للســــاده السائحـــــــين
والدايه اللـي ف حــارتنا
عقبـــــــال السامعـــــين
فتحـت ف الدار عيـــاده
بتــــــــداوي العيـــــانين
فقلـــــت والخـلاصــــــه
اللــي يعــــــــدينا مـــين ..؟
فقـــــالي ف الخــــــباثه
هاتعــــدي تروح لفـــــين ..؟
