حاول تاني – شعر عامية
حاول تاني – شعر عامية
اشرف الشناوي
شاعر عاميه
البرامون
المنصوره
حاول تاني تقوم
م الواقعه…….واصلب طولك
واحمد ربك وارمي حمولك
بكره الشمس هاتيجي
وتضحك
فاوعي تخاف وتعيش
وفي جرحك
واوعي الليل ياخدك وياه
تنسي الحلم وتجري وراه
وارسم صبحك مهما يكون
حتى ان قالوا عليك مجنون
وافرد قوم في جناحك طير
غني وعيش زي العصافير
تضحك لما تشوف الشمسه
وتنسي همومها مع المشاوير
تفرح ترقص تحت المطره
وتغسل ريشها بايد امشير
يطلع صبح النور فتزقزق
تنزل عالشبابيك وتدقدق
تصحي حياه وايمان وعبير
تلقى بيوت م الموت بتفوت
تسمع ضحك الطير عالتوت
حاول تاني تقوم وتعافر
طول مالروح جواك بتغني
قلبك عمره في يوم مايموت
………………..
