حزب الهيافه – شعر عامية

صحاب الايافه
ياحزب الهيافه ياواكل فلوسنا
تعيشوا ويكتر وجعنا وناموسنا
تعيشوا وتفضل ولادكوا في نعيم
مادام لسه فينا الحمار والبهيم
قصور فخمه ياما واخر ايامه
ونسجد ونركع وناكل ونشبع
بواقي الطحين
يحيا الغلابه في بق الديابه
مادام لسه غابه نشيل احنا طين
هنحلم ونرسم في بكره اللي جاي
مادام لسه لقمه نغمسها شاي
ياحزب الهيافه يااخر ايافه
تعيشوا ونفضل
مابين التروس قياما جلوس
اخدتوا الكراسي بحبة فلوس
وسيبتونا ندعك في ام الفانوس
ولا عفريت بيطلع ولا عاد غموس
ياحزب الهيافه لتحيا الصحافه
دي اخر لطافه في ضرب الطقوس
طقوس العباده وربي مايقطع
كلامك دا عاده
ونشكر ونحمد لرب الوجود
مادام الديابه بتاكل غلابه
ومن غير شهود
لتحيا الايافه وحزب الهيافه
هنركع وليكم كمان السجود
……………………..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى