حكاية من حكايا القلب – شعر عامية
حكاية من حكايا القلب – شعر عامية
بقلم/ دكتور نصر عبد العزيز طاحون
عُيونك بترسم في قلبي مرايات
بأشوف فيها نفسي وأشوف ذكريات
بأشوفك طفولة بريئة وجَميلة
وأشوفك صَبيَّة بتلعب حُجيلَة
وأشوفك عروسة وأشوفني الجَدَع
تِبان الحقيقة تِكَدِّب وَدَعْ
بإنِّك حكاية في وسط الطريق
وإنِّي المُتيَّم .. وكُنت الغريق
وإن حكاياتي كِتيرة الفُصول
وإنِّي بطبعي نشيط مُش كَسول
تلاقي في قلبي ألاف الحَكَايا
ما قلبي دا مُرهَف وقلبي خَجُول