خايف من ايه – شعر عامية
خايف من ايه – شعر عامية
اشرف الشناوي
شاعر عاميه
البرامون
المنصوره
خايف م النور والا الضلمه
خايف من ايه
خايف م الحلم يضيع منك
أو م الاوجاع
خايف من بكره يكون لسه
كاره للضي
خايف م الفجر وم الضحكه
والصبح يتوه وسط الزحمه
خايف من ايه
خايف م الامل اللي زرعته
في الأرض البور
خايف لايموت كدا م الحبسه
أو علو السور
قوم غني وطير وارمي جناحك
لف الملكوت
بالغنا هتعدي من العتمه
ولا يوم هاتموت
شخبط في الليل وارسم سكه
وفي شجر التوت
وارمي الاحزان قبل ماتكتر
ويبقالها شروط،
الشمس هتطلع وتدفي
وفي عضم بيوت
خايف من ايه طول مالغنوه
جواك هاتفوت
……. …………………
