زعـــزاعه ، و ، زعـــزاع – شعر عامية
زعـــزاعه ، و ، زعـــزاع – شعر عامية
بقلمي .. معوض حلمي الفــلاح الفصيح
منشأة بطاش .. تمـي الأمـديد .. دقهليـة
زعـزاعــــه وهبــــت حلمــهـــا لزعـــزاع
قالـت بإنــه جـــدع هايغـــير الأوضـــاع
هايجيب لهـا غويشه ونميسـه والكـردان
طلع العويل خـوان ، قطـع وشـفى وباع
زعـزاعــــه نايمـــه تعانــي م الأوجــــاع
بعـــد امــــا قطـــــع لحمـــــــها زعـــزاع
ودار ينـادي المفـــتري مــــين يشــــتري
الحتـــــه مــن دا ف المــــــزاد ببتـــاع
زعـــزاع بيعـزم ع الوليـــمه صحــــــاب
زعــزاعـــــه قالــــت مالـــــي يانهـــــاب
هبهـــب كبـير الحـرس وقال هـو ،، هــو
إرمــوها بنت السو ، وولادهـا زي كلاب
شــاور عليــه صاحـــب أروب وفطــــين
زي الحـــدادي وع المـيراث حاطـــــــين
زعـزاعه خيرها اتوهـب للي مـلك أمـرها
ياسيدنا بيـع قصرها بيع الدهب والطين
زعـــزاع عشــــان بيـــاع وواد هبيــــــد
وافـق قــوام فــي الحــــال ومـــد الإيد
لاجلـــــن يـروق بـالــــه من التفكــــــير
بنى لها سجن گبير ، وخـد عيـالها عبيد
زعـــزاع زعــازع باع حلقهــا ياهـووووه
وســاب دراعهــــا للصــــوص ملخـــــوه
زعــــزاعــه قالـــت أمـــــري فيــــه للـه
بكـــره الخـــلايق يلعنـــوا اللــي جـابوه
زعــــزاع جنــــابه ع الشـــعور مدسوس
زي اللـــي قبـــــله دول مكــــن وتـروس
بايــع كرامـــه ونخــوه مـــع إحســــاس
زي الشيطان خناس وع الحقوق بيدوس
……………………………………………
