قبر ميت م العياط
قبر ميت م العياط
اشرف الشناوي شاعر عاميه البرامون – المنصوره
لو لقيت قلب وأمان
زي زمان… هتلي بكوزين
لو معاك حبة غنا
أو يوم مني
هاتلى بصاغين
لو لقيت ناس م اللي راحوا
أو لقيت كون وبراحوا
سيبني بس شويه اطير
لو لقيت ضحكه وامل
بص بهداوه جنبهم
راح تلقى ميت مليون غفير
لو لمحت في فجر طالع
والا صبح هدومه قالع
يبقى ايه لازمتها اطير
لو لقيت حلمين جمال
لسه من غير الحبال
هاتلى حلم وللعيال
لو لقيت القبر ميت م العياط
أو لقيت الشمس نازله بالسياط
تلقى ناس بالحلم ماتت
من سكات
تلقى خلق وخلق ياما
قاعده لسه عالصراط
ابقي هاتلى اي حاجه
ان شاء الله حبة امنيات
نفسي بس في ابتسامه
تشد روحي م اللي فات
نفسي بس اطير واغني
وانسى حتي
الذكريات
لو لقيت احلام قديمه
هاتها ومعايا النايات
……………………
