قلبي بطل غناوي – شعر عامية
قلبي بطل غناوي – شعر عامية
الي امي النائمه في قبرها –
اشرف الشناوي
شاعر عاميه
البرامون
المنصوره

امي مش راجعه تاني
راحت ويا الاغاني
سابت قلبي اللي دايب
بين شوقه والأماني
راحت شمس النهار
شافها الحمام فطار
تايه وسط الليالي
حالف مايخش دار
امي القمر اللي سافر
لم في حجره النجوم
سابني في العتمه اعافر
مش قادر حتي اعوم
راحت ويا ابتسامتي
وفضلت ادور واسافر
واحكي للناس حكايتي
عريان من غير هدووم
قلبي بطل غناوي
علشان ملهاش لزوم
____________:::::::::::::::::