قلبي عيل – شعر عامية
قلبي عيل – شعر عامية
اشرف الشناوي
شاعر عاميه
البرامون
المنصوره
رجعوني تاني العب
في الحواري
كنت عيل قلبي
مليان بالحكاوي
كنت طير اخضر
وطاير بالغناوي
كنت اشوف الشمس اضحك
كنت أخاف واجري وخيالي
لما اشوفه كنت اعيط
وانده امي وفي ثواني
تيجي احس بطبطبه
تملا في كياني
كنت اشوف البدر داير
في السما زي السواقي
كان بيملا الأرض ضيه
تبتسم بعد الشراقي
رجعوني تاني يمكن
القي حلم اعيش به والا
القي ضحكه م البواقي
كبرت ايوا كبرت جدا
بس قلبي لسه عيل
في ابتدائي
……………….
