قوم غني قوم …شعر عامية

قوم غني قوم …شعر عامية

اشرف الشناوي شاعر عاميه البرامون -المنصوره

قوم غني قوم
شخبط علي كل الوجع
واضحك وكمل سكتك
واوعاك تقع
عافر وتبت في الأمل
وبلاش دموع
وافرد جناحك
في الفضا طير في السما
كمل غنا رغم الظروف
وارمي الوجع
قوم وابتسم
دا الصبح مادد ليك ايديه
أروى الغيطان تلقى العيدان
شايله السبل
والأرض تحبل بالغنا
احلام كتير
بس انت حاول تبتسم
أو يوم تطير
دا الفجر جاي بالنور مدد
فوق م الطريق
شايل معاه فاس الامل
لجل العزيق
لم الجراح م الروح
تعدي المستحيل
بكره اللي جاي رغم الوجع
فيه شئ جميل
بس انت حاول تبتسم
وتلاقي غير حزنك بديل
…………………….