كلك مدهشه – شعر عامية
كلك مدهشه – شعر عامية
اشرف الشناوي
شاعر عاميه
البرامون
المنصوره
كل حاجه فيكي مدهشه
الاماني والامل بيناموا
من قبل العشا
والصبح طالع ليه عيونه
مدغششه
والفجر شايل
فوق كفوفه المرعشه
حبة حكاوي
م اللي طالعين م الحشا
حتى توتك مل صوتك
في الليالي الموحشه
والحمام طاير ماطرش
م الحدادي المقرفه
حتى شمسك طله
من باب الخشا
والا نيلك مل ام سابك مشا
والغيطان مليانه بوم
والسواقي بطلت حتى الغنا
وفضلت تزووم
والقمر تاه في السما
وسط النجوم
كل حاجه بجد فيكي
مدهشه
أو منعشه
حتى الهموم عملت
عشوش ومعششه
حتى العيون من غير بكا
متلبشه
والخوف بيرمح
في القلوب
عمال بيبني حيطان بطوب
كل حاجه بجد فيكي
مدهشه
حتى الغروب
ماتقوليلي ازاي اسيبك
والا عن حبك اتوب
……………………..
